L’actu cellébrase esti vienres 18 de payares a partir de les 19:30 hores nel Colexu Xovellanos de Xixón (C/ La Mercé 38)

El Círculu de Podemos Xixón entama una charra coles mires d’esplicar a la ciudadanía’l recibu de la lluz. Sábese bien de les dificultaes d’entender el mentáu recibu: ye cuasi imposible saber a ónde va lo que pagamos; a qué empreses beneficia; qué significa’l déficit de tarifa, y munches más duldes que vamos tratar de resolver esti vienres

Otru de los aspeutos que vamos tratar na charra ye la contradicción ente la xuba constante de los beneficios de les empreses enerxétiques y l’aumentu de les cortes de lluz a les families más afectaes pola crisis económica. Que dambos fenómenos medren al empar esixe un analís críticu d’una  situación que se fai incomprensible pa la mayoría de xente

Pa ello vamos cuntar con Paco Ramos, inxenieru industrial y voceru de Ecoloxistes n’Acción y con Estefanía Puente, conceyala de Xixón Sí Puede encargada del ámbitu de Servicios Sociales

photo_2016-11-12_18-59-19