Soi llicenciada en Ciencies Químiques pola Universidá de Valladolid, en Ciencies Ambientales pola UNED y realicé el mio Doctoráu na Universidá d’Uviéu. Desque soi Investigadora del Institutu Español d’Oceanografía nel Centru Oceanográficu de Xixón. Dende’l primer momentu en qu’empecé a vivir nesta ciudá, siempres me sentí una xixonesa más.
Siempres sentí esmolición per tolo rellacionao cola mio redolada y, quiciabes pola mio formación y trabayu, principalmente por aquelles temes rellacionaos cola salú y el mediu ambiente.

Agora bríndaseme  la oportunidá de poner les mios ganes y conocencia al serviciu de les vecines y vecinos de Xixón. Y, ye por eso polo que me presento, pa poder formar xuntu colos mios compañeros y compañeres una organización que lleve a Xixón en 2019 a ser una ciudá del cambiu.

Queremos formar una organización qu’escuche a la ciudadanía nel so día y día, siendo ésta’l so principal motivación pal trabayu diariu.