Realicé los mios estudios en Ciencies Polítiques na Universidá de Santiago de Compostela, onde tamién complementé los mios estudios en materies como Derechu y Economía.

Milité casi diez años n’Izquierda Xunida. Darréu de vuelta a Asturies, participé viviegamente n’organizaciones asturianistes como Compromisu por Asturies -primer organización política en sofitar el proyectu de Podemos-.

Anguaño en Podemos Xixón realizo les xeres de Coordinador de la Área de Comunicación. Un grupu increíble de persones que se dexaron la piel por que esti proyectu sía líder indiscutible en redes sociales nel ámbitu políticu xixonés.

La esperiencia, tantu n’otres organizaciones como en Podemos Xixón, motívame para trabayar nel ámbitu organizativo. Quiciabes un trabayu pocu visible, pero imprescindible para que dende Podemos participemos activamente en que Xixón sía una ciudá del cambiu en 2019.

El nuesu oxetivu ye tener una organización al altor de la xente, onde los problemas de la ciudadanía sían nuesa guía de trabayu nel nuesu día a día.