Xixonesa y la menor de 4 hermanes. Apasionada de les artes plástiques y visuales, la micoloxía, afayar mundu y los xuegos de rol. Dempués de más d’una década fora d’Asturies, formándome y trabayando en Galiza, Madrid y Francia -dende camarera a diseñadora de tuberíes pasando por alministrativa o profe-, yá toi de vuelta en casa.

Anguaño sigo la mio formación cursando na Universidá d’Uviéu’l Máster en Xéneru y Diversidá. Estudios que m’animé a empecipiar pola mio implicación en distintes plataformes feministes y unes insaciables ganes de deprender

Averéme a participar nel Círculu de Podemos A Coruña antes de les tan reveladores elecciones europees de 2014, y dende entós llevo collaborando en distintes árees -fundamentalmente comunicación y prensa-. Mientres unos dos años fui responsable de comunicación y prensa de Galiza, participé nos entamos de Marea Atlántica n’A Coruña, na Marea Feminista, na Plataforma Galega polo Dereito ao Aborto o na Marcha Mundial das Mulleres, ente otros espacios.

Encantaríame poder siguir apurriendo tola mio esperiencia tanto na área de comunicación y prensa como de feminismos pa llograr en 2019 que Xixón sía una ciudá morada. Para llograr en 2019 que Xixón sía una ciudá del cambiu