Realicé los estudios de Derechu na Universidá d’Uviéu, onde anguaño toi rematando’l máster de formación del profesoráu. Mientres esi tiempu milité na Mocedá Comunista y participé viviegamente nel movimientu estudiantil, tantu nes asamblees de la Universidá como en diversos órganos de representación al traviés del Conseyu d’Estudiantes o del Conseyu de Gobiernu de la Universidá. Tamién collaboré en distintos movimientos sociales; en contra de la precariedá xuvenil, la llucha contra la guerra o’l movimientu antirracista ente otros. Na actualidá participo del ámbitu deportivu y del cultural, esti últimu dientro de la Sociedá Cultural Xixonesa.
Tres munchos años participando viviegamente en distintes plataformes, movimientos sociales y colectivos encantaríame poder collaborar apurriendo toa esa esperiencia en Podemos Xixón para poder camudar la sociedá na que vivimos y que Xixón sía en 2019 otra ciudá del cambiu. Comparto fervientemente la necesidá de construyir una ferramienta que sía útil pa poner fin a la precariedá llaboral. Quiero participar por que nenguna persona más tenga qu’abandonar Asturies en busca d’un futuru. Deséu que Xixón sía una ciudá na que pueda vivise dignamente, una ciudá activa culturalmente, solidaria y ónde nun nos tengamos que resignar a ver a familiares y amistaes exiliaes namá en Navidá.