Soi llicenciada en derechu pola Universidá d’Uviéu y funcionaria de l’Alministración local dende va más de 15 años. Prácticamente tola mi vida profesional y la formación complementaria qu’a lo llargo d’estos años me preocupé de recibir, ta venceyada al ámbitu del urbanismu y el mediu ambiente.
Llevo unos 20 años militando activamente en política y participando en movimientos sociales vinculaos col movimientu de reivindicación llingüística y la defensa de los drechos humanos.
Ye difícil nun alcontrar motivaciones cuando fales cola xente que te rodea, cuando sales a la cai, cuando conoces les inxusticies que dalgunos s’empeñen n’esconder o cuando ves cómo se nos escapa esa manera d’entender Asturies y Xixón que la xente construyó a lo llargo de munchos años. Poro, quiero poner el mi granín, col mi trabayu, aportando el mío conocimientu de l’alministración local y del ámbitu urbanísticu y col mi compromisu.